TAWHID AR-RUBOOBIYAH (Allah bilang Tanging Panginoon)

Ang aspetong ito ay batay sa pundamental na konsepto na ang Allah ang tanging nakapangyayari upang ang lahat ay magkaroon ng buhay. Siya ang taga-pagkupkop at tagapangalaga at tagapanatili ng lahat ng nilikha. At siya ang tanging panginoon ng sanlibutan at ng sangkatauhan na walang makapaghahamon o makaagaw sa kanyang kapangyarihan.

Sa wikang arabik, ang salitang ginagamit upang ilarawan ang katangian ng tagapaglikha-tagapanustos ay tinatawag na "RUBOOBIYAH" hango sa salitang-ugat na "RABB" (panginoon). Ayon sa banal na qur'an, dahil ang Allah ang siya lamang tunay na makapangyarihan sa buhay, Siya lamang ang nagbigay ng lahat ng kakayahan upang gumalaw at magbago ang lahat. Walang pangyayari sa pagkakalikha maliban kung ano ang kanyang pinayagan o pinahintulutang mangyari. Ang batayan sa konsepto ng ruboobiyah ay matatagpuan sa maraming talata ng Qur'an. Ang Allah ay napahayag:

"Ang Allah ang siyang lumikha sa inyong lahat at sa anumang gawa ng inyong kamay (ng may kapahintulutan)." [37:96]

"Ang Allah ang siyang lumikha sa lahat ng bagay at sa kanya umaasa ang lahat ng bagay." [39:62]

Ang propeta Muhammad [sumakanya nawa ang kapayapaan] ay nagpaliwanag tungkol sa aspetong ito:

"Pakaisipin na kung ang buong sangkatauhan ay magkaipon-ipon upang ikaw ay tulungan, kanila lamang magagawa ang isang bagay na pinahintulutan ng Allah para sa iyo. Kautald din na kung magka-ipon ipon ang buong sankatauhan upang ikaw ay gawaan ng masama, kanila lamang magagawa ang isang bagay na siyang itinakdang mangyari ng Allah."

Sa mga muslim madalas sabihin ang salitang: "La hawla wala quwata ila billah." [walang kapangyarihan at galaw maliban sa Allah] bilang pang araw araw na panalangin sa anupamang pagkakataon.

Kayat sa loob ng mabubuting bagay sa buhay na ito, naroroon ang mga hirap na pagsubok sa pananampalataya sa Allah. Katulad din ng mga masamang pangyayari sa buhay, naroon ang pagsubok sa buhay no ito. Ang mga pangyayari ay sumunod lamang sa kapalarang itinakda ng Allah. Ang Allah ay nagsabi sa banal na Qur'an.

"Katunayan! ikaw ay Aming susubukan sa pamamagitan ng pangamba, gutom, pagkawala ng yaman at buhay at ang mga bunga ng iyong pinagsumpikapan,kayat ito ay nagbibigay ng magandang balita para doon sa nagtitiis." [2:155]

Kayat sa loob ng mabubuting bagay sa buhay na ito, naroroon ang mga hirap na pagsubok sa pananampalataya sa Allah. Katulad din ng mga masamang pangyayari s buhay, naroon ang pagsubok kung gaano katatag ang tao sa kanyang paniwala at pananampalataya sa Allah.

Kung minsan ang pamamaraan ay madaling malaman, katulad ng umuugnay sa mga pangyayari at kadahilanan,a t kung minsan naman ay hindi, katulad ng pangyayaring ang mabuting ibinubunga ay nagmula sa masamang pangyayari o dili kaya ang masamang bunga ay mabuti sa bandang huli. Ang Allah ay nagpaliwanag na ang karunungan sa kabila ng mga masalimuot na pangyayari ay kadalasan ay hindi mai-paliwanag o hindi ma abot ng madaliang pag iisip dahil na rin sa limitado o may hangganang kaisipan o dunong ng tao. Ang Allah ay nagpahayag tungkol dito: "Maaring hindi ninyo nais ang isang bagay na makabubuti para sa inyo o nais kaya ang bagay na makasasama para sa inyo ngunit ang Allah ang Nakaaalam [kung ano ang makabubuti sa inyo] at hindi ninyo malalaman." [2:216]

Kayat ang mga masasamang pangyayari sa buhay ng tao kung minsan ay lumalabas na nakabubuti sa kanya at ang mabubuting bagay na pinagnasaan ng tao ay lumalabas na nakakasama sa kanya. Kasunod nito, ang tunay na impluwensiya ng tao sa daloy ng mga pangyayari na siyang buod ng kanyang buhay na mga pagpipiliang nakaharap sa kanya at hindi sa aktuwal na bunga ng kanyang pinili. Sa madaling salita, "ang tao ay nagmumungkahi o nagsusumamo sa Diyos at ang Diyos ang siyang nagpapasiya." Ang magandang kapalaran o kamalasan ay parehong nagmula sa Allah at hindi nagmula sa pamamagitan ng suwerteng pang-akit katulad ng suerteng numero, anting anting, panghuhula sa baraha, panaginip or pangitain.