TAWHID AL ULOOHIYAH

(Ang Allah ang tanging diyos na nararapat pag-ukulan ng tapat ng pagsamba)

Sa kabila ng malawak na implikasyon ng dalawang aspetong naunang ipinaliwanag, ang katatagan ng Paniniwala na ito ay hindi sapat na makakatupad sa Islamikong pangangailangan ng "Kaisahan ng Diyos", maliban kung ito ay kalakip ng Tawheed al uloohiyah. Ito ay sa katotohanang maging ang mga nang-iidolo ay nagsasabi na sila ay tumutupad sa dalawang aspetong naunang binanggit, kaya't ang Allah ay nag-utos kay propeta Muhammad sallallahu alayhi wa sallam:

"Ipahayag: Sino ang nagbigay ng lahat ng iyong kabuhayang nagmula sa kalangitan at kalupaan, ang nagpanatili ng iyong paningin, ang nagbigay buahy mula sa walang buhay at ang kamatayan mula sa may buhay, at ang nagtatag sa pamumuhay ng tao? Silang ay nagsabi "ALLAH"...... [10:31]

Kung sila ay tanungin kung sinong lumikha sa kanila, sila ay nagsasabi "ALLAH". Kung sila ay tanungin kung sinong nagbaba ng tubig mula sa kalangitan, at nagbibigay buhay sa tigang na lupa, katiayakang sila ay nagsasabi, "ALLAH". [ 43:87]

Ang mga nag iidolo ay nakababatid na ang Diyos ang kanilang tagapaglikha, tagapanatili ng lahat ng bagay at panginoon ng lahat ng nilikha ngunit ang kanilang karunungan ay hindi naging dahilan upang sila ay tawaging muslim sapagkat ayon sa Allah:

"Karamihan sa kanila ay hindi tunay na naniniwala sa Allah maliban habang sila ay nagtatambal (nag-uugnay ng ibang diyos diyosan) sa Kanya." [12:106]

Ang Allah ang lumikha, nagbigay ng kabuhayan at kamatayan, ngunit ang mga idolaters ay patuloy sa pagsamba ng ibang diyos-diyosan na itinatambal nila sa Tunay na Diyos. Ang Allah ay nagbigay paalala:

"O, Sangkatauhan! alalahanin mo ang pagpapalang ito ng Allah sa iyo. Mayroon pa bang tagapaglikha maliban sa Allah, na nagkaloob sa iyo ng biyayang iyong ikinabubuhay ng nagmula sa kalangitan at kalupaan? Wala ng ibang diyos maliban sa Kanya. Bakit kayo lumihis sa Katotohanan?" [35:3]

Ang mga idolaters ay nagbibigay din ng kawanggawa, panalangin at iba't ibang uri ng pagsasamba at nagsasabi rin na sila ay sumusunod sa relihiyon ni propeta Abraham alayhi salam, kayat ang Allah ay muling nagpahayag:

"Si Abraham ay hindi Hudyo o Kristiyano bagkus isang matapat na Muslim at siya ay hindi nagtatambal [nang-iidolo at nag-uugnay nd diyos-diyosan] sa Allah." [3:67]

Sa kabila ng mga katuwiran ng mga Kristiyano o pagano tungkol sa paniniwala nila sa kaisahan ng Diyos, sila ay hindi maituturing na tunay na may paniwala sa dahilang sila ay sumasamba sa mga ginawa nilang diyos na iniuugnay nila sa pagsasamba sa tunay na Diyos na tagapaglikha:

"Sila ay [tunay] na nang iidolo sa pagsasabing: Si Hesus, anak ni Maria ay Diyos. Ngunit si Hesus ay nagsabi "O angkan ng Israel! sambahin ang Diyos, ang aking panginoon at inyong panginoon" Sinoman ang nagtambal ng diyos-diyosan sa Diyos [Allah} ang Allah ay ipagkakait ang Hardin, at ang Apoy ang kanyang hantungan. Walang makatutulong sa mga may gawang masama." [5:73]

"Ang Allah ay nagsabi: Huwag kayong kukuha [para sambahin] ng dalawang diyos: sapagkat Siya ay tanging isa: samakatuwid at matakot [sumunod] sa aking [at tanging sa aking lamang]. [16:51]

Ang pinakamahalaga sa kaisahan ng Diyos ay ang pananatili sa pagsamba sa Diyos na tanging manlilikha at panginoon ng lahat. Ang lahat ng uri ng pagsamba ay nararapat na iukol lamang sa Allah sapagkat siya lamang ang tanging makapagbigay sa tao ng unumang kabutihang bunga ng tapat na pagsamba. Hindi kailangan ng isang pang namamagitan sa tao at Diyos. Ang panalangin at paghingi ng kapatawaran ay nararapat na nakatuon sa Allah. Ang Allah ay nagbigay paalala sa kahalagahan ng tuwirang pagsamba at pagdasal sa Kanya sa pamamagitan ng pagpapahayag sa tunay na dahilan o layunin kung baking ang tao ay nilikha Niya. Ang banal na Qur'an ay nagsabi:

"Hindi ko nilikha ang mga jinns at tao maliban para ako ay sambahin." [51:56]

"Katotohanan! Aming isinugo ang isang tagapagbalita sa bawat lupain [na may lakip na kautusan] na, sambahin ang Allah at iwasan ang huwad na diyos." [ 16:36]

Samakatuwid, ang Diyos ay iginawad sa likas na bahagi ng tao ang pagsamba sa Kanya, at siya ay nagpadala ng mga propeta at mga banal na aklat upang liwanagin ang aspeto ng layunin ng pagkakalikha s tao na nakakintal sa kaisipan nito. At itong layuning PAGSAMBA SA TANGING DIYOS at ang buod ng pagpapahayag sa pamamagitan ng mga propeta ang siyang kabuuang diwa ng TAWHID AL ULOOHIYAH.